कुणीतरी आठवणं काढतय...

हसता हसता डोळे अलगद भरुनही येतील
बोलता बोलता शब्द ओठी जातीलही विरुन
कावरंबावरं होण्यासारखं बिलकुल काही नाही
कुणीतरी आठवणं काढतय, बाकी काही नाही...

मोबाईल वाजण्याआधीच तो वाजल्य़ासारखा वाटेल,
जुनाच काढून एसएमएस वाचावासा वाटेल,
दिवस सरता वाटत जाईल उगाचच उदास
पावलोपावली जड होत जाईल बहुधा श्वास,
घाबरुनं बिबरुनं जाण्यासारखं काही नाही
कुणीतरी आठवणं काढतय, बाकी काही नाही...

जेवता जेवता जीवघेणा लागेलही ठसका
घरचे म्हणतील सारखा कसा लागतो ठसका ??
चेहरा लपवत, डोळे पुसत, पाणी प्यावे थोडे,
बोलण्याआधी आवाजाला सांभाळावे थोडे,
सांगुन द्याव काळजीसारख बिलकुल काही नाही,,
"कुणीतरी आठवणं काढतय, बाकी काही नाही...